ក្រុម Liverpool បានលើកពានរង្វាន់ FIFA Club World Cup បានសម្រេចដូចបំណងហើយ ក្រោយពី Firmino រកបាន១គ្រាប់នៅម៉ោងបន្ថែម នាទី៩៩ ជួយក្រុមឈ្នះ Flamengo ១-០។
សម្រាប់ការប្រកួតនេះ ក្រុមហង្សក្រហម Liverpool មិនអាចទម្លាយសំណាញ់ទីរបស់ក្រុម Flamengo បានឡើយនៅរយៈពេល៩០នាទីពេញ។ ពួកគេបានត្រឹមស្មើគ្នា ០-០ ប៉ុណ្ណោះ ដោយត្រូវរង់ចាំដល់ម៉ោងបន្ថែមនាទី៩៩ ទើប ខ្សែប្រយុទ្ធប្រេស៊ីល Firmino រកបាន១គ្រាប់ ដែលជាគ្រាប់បាល់ជ័យជម្នះតែម្ដង។ នេះជាប្រវត្តិសាស្ត្រថ្មីមួយទៀតសម្រាប់ក្រុមហង្សក្រហម យកពានរង្វាន់អន្តរជាតិមកឱ្យអ្នកគាំទ្រនៅអង់គ្លេស ខណៈដែលនេះនឹងកាន់តែជំរុញទឹកចិត្តក្រុមនេះកាន់តែខ្លាំងថែមទៀត ដើម្បីយកពានរង្វាន់លីគកំពូលអង់គ្លេសនារដូវកាលនេះ។
យ៉ាងណាមិញ បានឈ្នះពានរង្វាន់មែន ប៉ុន្តែក្រុមរបស់លោក Klopp បានបាត់បង់កីឡាករសំខាន់ម្នាក់គឺ Alex Oxlade-Chamberlain ដែលរងរបួសត្រូវប្ដូរចេញ។ គេមិនទាន់ប្រាកដថារបួសជង្គង់នៅកន្លែងដដែលនេះ អាចនឹងធ្វើឱ្យរូបគេសម្រាកប៉ុន្មានសប្ដាហ៍នោះទេ៕ប្រភព៖ Dailymail
