David Silva នឹងចូលរួមជាមួយក្រុម Inter Miami នៅសហរដ្ឋអាមេរិករបស់ David Beckham ក្រោយពីចាកចេញពីក្រុម Manchester City នៅចប់រដូវកាលនេះ។Silva នឹងអស់កុងត្រាជាមួយក្រុមមេឃខៀវត្រឹមរដូវកាលនេះហើយ។ កីឡាករសញ្ជាតិអេស្ប៉ាញនេះ បានប្រកាសតាំងពីរដូវកាលមុនថាអស់កុងត្រានេះទៅ រូបគេនឹងចាកចេញពីក្រុម Man City ហើយ ព្រោះចំណាយពេលនៅក្លឹបមួយនេះរយៈពេល៩ឆ្នាំមកហើយ។ ដំបូងឡើយ មានដំណឹងថាកីឡាករវ័យ៣៣ឆ្នាំនេះនឹងទៅលេងនៅក្លឹបក្នុងប្រទេសអេស្ប៉ាញវិញ ព្រោះរូបគេចង់ចូលនិវត្តនៅស្រុកកំណើត។
តែនៅពេលនេះ ស្រាប់តែមានដំណឹងថាក្រុមថ្មី Inter Maimi ដែល Beckham ជាម្ចាស់នោះ កំពុងទាក់ទងរូបគេទៅលេងនៅទីនោះ។ លីគអាមេរិក ក៏ជាលីគដ៏ពេញនិយមមួយសម្រាប់កីឡាករល្បីៗនៅអឺរ៉ុប ចំណាយពេលចុងក្រោយមុនចូលនិវត្តន៍ផងដែរ។ Beckham បុរសមានឥទ្ធិពលម្នាក់ក្នុងវិស័យបាល់ទាត់ ជឿជាក់ថាលោកនឹងអាចទាក់ទាញ Silva មករួមក្រុមបាន៕
ប្រភព៖ DailyMail