Arsene Wenger បានចាត់ទុកខ្សែប្រយុទ្ធ Mohamed Salah ថាជាកីឡាករពេញលក្ខណៈមួយរួប ដែលអាចយកទៅប្រៀបធៀបជាមួយ Lionel Messi បាន។
Salah ប៉ុន្មានឆ្នាំចុងក្រោយនេះ បានអភិវឌ្ឍសមត្ថភាពលឿននិងលេចធ្លោខ្លាំងមែនទែន។ ជាក់ស្ដែងរូបគេ បានជួយក្រុម Liverpool ឈ្នះពានរង្វាន់ UEFA Champions League រដូវកាលមុន ហើយរដូវកាលនេះកំពុងឈរលេខ១កំពូលតារាងលីគអង់គ្លេសថែមទៀត។ សមត្ថភាពដ៏អស្ចារ្យនិងបច្ចេកទេសអូសបាល់លឿននេះហើយ ធ្វើឱ្យលោក Wenger អតីតអ្នកចាត់ការក្រុម Arsenal កោតសរសើរមិនដាច់ពីមាត់ទេ។
តាបារាំងបាននិយាយដូច្នេះថា៖ “ខ្ញុំចូលចិត្តការលេងរបស់ Salah ។ គាត់បង្កើតឱកាសក្នុងតំបន់គ្រោះថ្នាក់បានល្អ ដែលនោះជាអ្វីអ្នករាល់គ្នាតែងតែឃើញសម្រាប់ Messi ។ ខ្ញុំបានឃើញចំណុចរបស់ Messi ជាច្រើន មាននៅក្នុងការលេងរបស់ Salah ។ គាត់មិនត្រឹមតែរកគ្រាប់បាល់បានទេ គាត់ក៏អាចបញ្ជូនបាល់ឱ្យមិត្តរួមក្រុមបានល្អថែមទៀត”៕ប្រភព៖ Dailymail