លោក Deschamps គ្រូបង្វឹកក្រុមជម្រើសជាតិបារាំងបច្ចុប្បន្ន គិតថាទៅថ្ងៃអនាគតមានតែ Zidane ម្នាក់គត់ដែលសក្ដិសមសម្រាប់មកដឹកនាំក្រុមនេះបន្ទាប់ពីលោកទៅ។
Zidane ទើបតែចាប់អាជីពជាអ្នកចាត់ការក្រុមប៉ុន្មានឆ្នាំនេះទេ ប៉ុន្តែបានក្លាយជាអ្នកចាត់ការកំពូលម្នាក់ទៅហើយ ព្រោះអាចនាំក្រុម Real Madrid ឈ្នះពានរង្វាន់ UEFA Champions League ៣សម័យកាលជាប់គ្នា។ ខណៈដែលបច្ចុប្បន្ននេះ ក៏កំពុងធ្វើឱ្យអធិរាជស ត្រលប់មកភាពល្អប្រសើរវិញថែមទៀត បើទោះជាអវត្តមានរបស់ Ronaldo ក្ដី។
សមត្ថភាពដឹកនាំក្រុម ចិត្តសាស្ត្រច្បាស់លាស់នេះហើយ ទើបបានជាលោក Deschamps យល់ឃើញថាមានគែបុរសម្នាក់នេះហើយ សមក្នុងការមកដឹកនាំក្រុមជម្រើសជាតិបារាំងបន្ដ ហើយកីឡាករក៏គោរពគេខ្លាំងណាស់ដែរ។ “គ្រូបន្ទាប់គួរតែ Zizou ។ គ្រូបង្វឹក គឺមិនគិតពីអាយុឡើយ វាស្ដែងចេញពីលទ្ធផលដែលអ្នកអាចធ្វើបាន។ យូរឬឆាប់ Zidane នឹងមកដឹកនាំក្រុមបារាំងមិនខាន”៕ប្រភព៖ Marca