Mauro Icardi កំពុងធ្វើបានល្អមែនទែនឱ្យក្រុម PSG នារដូវកាលនេះ ដោយរកគ្រាប់បាល់បាន១៣គ្រាប់ហើយក្នុងការបង្ហាញខ្លួន១៧ប្រកួតកន្លងមក។
ជួយក្រុមកំពុងឈរដាច់នៅកំពូលតារាងលីគកំពូលបារាំង ហើយបានឡើងទៅវគ្គ១៦ក្រុមចុងក្រោយពានរង្វាន់ UEFA Champions League ទៀត បានធ្វើឱ្យ Icardi គិតថាក្រុម PSG នេះ គឺជាក្រុមល្អបំផុតសម្រាប់ខ្លួនហើយ។ គោលបំណងសំខាន់មួយទៀតសម្រាប់កីឡាករអាហ្សង់ទីននេះ គឺរូបគេមិនចង់ទៅ Inter Milan វិញឡើយ ដោយចង់ឱ្យ PSG ទិញផ្ដាច់កុងត្រាយកតែម្ដងនៅខែមករានេះ ឬរដូវកាលក្រោយ។
“គ្រាប់បាល់បានកើតឡើងជាញឹកញាប់សម្រាប់ខ្ញុំ។ ខ្ញុំកំពុងលេងនៅតំបន់ល្អបំផុតនិងស្រលាញ់ខ្លាំង វាជាកន្លែងមួយដែលខ្ញុំត្រូវបានគេហៅថាជាអ្នកសម្លាប់ ជាអ្នករកគ្រាប់បាល់ឱ្យបានឱ្យក្រុម។ ខ្ញុំមិនចង់ចាកចេញទៅណាទៀតទេ PSG ជាកន្លែងល្អបំផុតសម្រាប់ខ្ញុំ”។ សម្ដីរបស់ Icardi ៕ប្រភព៖ Dailymail
