មនុស្សយ៉ាងតិច៤៦នាក់បានរងរបួស ក្នុងហ្វូងបាតុករដែលបានប៉ះទង្គិចគ្នាជាមួយក្រុមសន្តិសុខនៅកីឡដ្ឋាន Camp Nou កាលពីយប់មិញនេះ។
ការប្រកួត El Clasico នៅយប់មិញ បានបញ្ចប់ទៅដោយលទ្ធផលស្មើគ្នា ០-០ ។ ក្រៅពីលទ្ធផលនេះទៅ អ្វីដែលគេសង្កេតឃើញនោះគឺបាតុកម្មយ៉ាងធំមួយបានកើតឡើងនៅក្រៅកីឡដ្ឋាន។ អ្នកគាំទ្រការផ្ដាច់ខ្លួនរបស់កាតាឡាន់ចេញពីប្រទេសអេស្ប៉ាញរាប់ពាន់នាក់បានដើរដង្ហែក្បួននៅក្រៅកីឡដ្ឋាន Camp Nou ។ ពួកគេបានប៉ះគ្នាជាមួយក្រុមសន្តិសុខនៅក្នុងតំបន់នោះ ហើយបង្កើតជាហិង្សាមួយព្រាវផងដែរ ដែលបណ្ដាលឱ្យមានអ្នករបួសដល់ទៅ៤៦នាក់។
ក្នុងចំណោម៤៦នាក់នោះ ក៏មានអ្នកកាសែតម្នាក់ដែរ ប៉ុន្តែមិនមានរបួសធ្ងន់ធ្ងរខ្លាំងនោះទេ។ បាតុកម្មនៅតំបន់កាតាឡាន់នេះកើតឡើងច្រើនសប្ដាហ៍មកហើយ ក្រោយពីប្រទេសអេស្ប៉ាញបានកាត់ទោសមេដឹកនាំតំបន់នេះម្នាក់ ពីបទចង់ផ្ដាច់ខ្លួនពីអេស្ប៉ាញ៕ប្រភព៖ Marca
