ជំនួប El Clasico នៅយប់មិញនេះ បញ្ចប់ទៅដោយលទ្ធផលស្មើគ្នា ០-០ ប៉ុណ្ណោះ ខណៈដែលក្រុម Real Madrid ហាក់បង្ហាញទម្រង់លេងល្អជាងក្រុម Barcelona ក្ដី។
លោក Zidane អ្នកចាត់ការក្រុម Real Madrid បាននិយាយក្រោយចប់ការប្រកួតថាលោកពេញចិត្តទម្រង់លេងរបស់ក្រុម ជាពិសេសតំបន់ប្រយុទ្ធខាងលើតែម្ដង។ Gareth Bale បានបង្ហាញអ្វីដែលក្រុមត្រូវការ និងជួយសមាជិកដទៃទៀតច្រើន។ ប្រសិនបើកីឡាករវែលរូបនេះ រកគ្រាប់បាល់បាននៅយប់មិញ នោះនឹងធ្វើឱ្យអ្នកគាំទ្រកាន់តែពេញចិត្តថែមទៀត។
ស្មើគ្នានេះ មានន័យថាក្រុម Barcelona នៅតែឈរនៅលេខ១កំពូលតារាងដដែល ដោយមាន៣៦ពិន្ទុ គ្រាប់ចំណេញ២៣គ្រាប់ ខណៈដែលក្រុម Real Madrid នៅលេខ២ មាន៣៦ពិន្ទុដែរ ប៉ុន្តែមានគ្រាប់ចំណេញតែ២១គ្រាប់ប៉ុណ្ណោះ៕ប្រភព៖ Dailymail
