ដំណឹងល្ហិចល្ហៀងនៅបញ្ចប់រដូវកាល ២០១៩/២០ នេះ ថា Ashley Young ទំនងត្រូវបានក្លឹបបដិសេធការបន្តកុងត្រា ហើយរូបគេត្រូវចាកចេញ ក្រោយរួមរស់អស់រយៈពេលជិត ៩ ឆ្នាំ។
កីឡាករវ័យ ៣៤ ឆ្នាំមិនទាន់មើលឃើញពីអនាគតប្រាកដប្រជា ពោលគឺនៅទីផ្សារដោះដូររដូវរងាក៏មានភាគរយខ្ពស់ក្នុងការចាកចេញដូចគ្នា ប្រសិនមានការចរចាពីសំណាក់ក្លឹបណាមួយ។ នេះមិនខុសពី Nemanja Matic ដោយកីឡាករលេងតំបន់បម្រើត្រូវបានគេរាយការណ៍ថាប្រហែលត្រូវចាកចេញពី Old Trafford ក្នុងពេលឆាប់ៗនេះដែរ។
ទ្រនំថ្មីរបស់ Matic គឺ Inter Milan ដែលកំពុងមានលោក Antonio Conte នៅដឹកនាំ។ Matic ធ្លាប់ជាអតីតកីឡាករ Chelsea ហើយផ្លាស់មក Man Utd កាលពីឆ្នាំ ២០១៧ កន្លងទៅ៕ ប្រភព៖ AF