កីឡាករ Bambang Pamungkas, អតីតជម្រើសជាតិឥណ្ឌូនេស៊ីនិងក្លិបPersija Jakartaវ័យ៣៩ឆ្នាំបានប្រកាសចូលនិវត្តន៍ពីបាល់ទាត់ហើយចាប់ពីថ្ងៃនេះតទៅ។
មានឈ្មោះក្រៅហៅថា Bepe អតីតខ្សែប្រយុទ្ធរូបនេះគឺជាកីឡាករជម្រើសជាតិឥណ្ឌូនេស៊ីដែលបង្ហាញខ្លួនច្រើនជាងគេបំផុតជាមួយនឹងការស៊ុតបញ្ចូលទី៣៨គ្រាប់ក្នុងការបង្ហាញខ្លួន៨៦ប្រកួតចន្លោះឆ្នាំ១៩៩ដល់២០១២។
Bambang ធ្លាប់ចំណាយពេលបួនក្លិបផ្សេងគ្នាខណៈគាត់លេងឲ្យក្លិប Persija លើសពី៣៥០ប្រកួតទៅហើយ។ គាត់ក៏ធ្លាប់លេងលីគហូឡង់នៅឆ្នាំ២០០០ជាមួយ EHC Norad, Selangor FA របស់ម៉ាឡេស៊ីនៅឆ្នាំ២០០៥ថល់២០០៧និង Pelita Bandung Raya នៅឆ្នា ២០១៣/១៤។
Selamat atas karir fantastisnya, Bambang Pamungkas!#PSSINow #KitaGaruda pic.twitter.com/Rl1gIplDEn
— PSSI (@PSSI) December 17, 2019
និយាយក្នុងកាសែតក្នុងស្រុកឥណ្ឌូនេស៊ីមួយ Bambang Pamungkas ថ្លែងបែបនេះ៖” ខ្ញុំសូមអរគុណដល់គ្រប់ថ្នាក់ដឹកនាំនិងមន្រ្តិទាំងអស់ហើយក៏អរគុណដល់អ្នកគាំទ្រដែលមកមើលនៅកីឡដ្ឋានឬយមទាំងអ្នកដទៃទៀតមើលតាមគេហដ្ឋាន។ ខ្ញុំមានពេលវេលាដ៏ល្អជាមួយជម្រើសជាតិដែលឡើងដល់វគ្គផ្ដាច់ព្រ័ត្រ AFF Championship ៣ដង ក្នុងឆ្នាំ២០០០, ២០០២ និងឆ្នាំ២០១០ ហើយក៏ជាអ្នករកបានគ្រាប់បាល់ច្រើនជាងគេនៅឆ្នាំ២០០២”។