ជំនួប El Clasico រវាងក្រុម FC Barcelona និងក្រុម Real Madrid នឹងចាប់ផ្ដើមនៅម៉ោង២រំលងអាធ្រាត្រនេះហើយ ដែលជាការប្រកួតអ្នកគាំទ្រទន្ទឹងរង់ចាំ។
ជាមួយគ្នានឹងអ្នកគាំទ្រនេះដែរ De Jong ខ្សែបម្រើទើបទិញចូលរបស់ក្រុម Barcelona ក៏បានបង្ហាញចំណាប់អារម្មណ៍មុនការប្រកួតថា៖ “ខ្ញុំរីករាយដែលបានលេងក្នុងជំនួបនេះ។ រឿងដែលខ្ញុំពេញចិត្តជាងគេគឺក្រុម Barcelona ឈ្នះ Real Madrid ៥-០ នៅ Camp Nou នេះ។ វាជាយប់ដ៏អស្ចារ្យបំផុតសម្រាប់យើង ហើយអ្នកគាំទ្រក៏កំពុងរង់ចាំការប្រកួតមកដល់ដូចគ្នា”។
នេះជាការប្រកួតដែលកាត់ក្ដីក្រុមណាកំពូលតារាងពិតប្រាកដ ព្រោះថាបច្ចុប្បន្នក្រុមទាំងពីរនេះមានពិន្ទុស្មើគ្នា ដោយក្រុម Barcelona នៅលេខ១ ដោយសារតែមានគ្រាប់ចំណេញច្រើនជាង Real Madrid ប៉ុណ្ណោះ៕ប្រភព៖ Marca
