លោក Pep Guardiola មិនធ្លាប់ដឹកនាំ Man City តតាំងស្តេចស Real Madrid នោះទេនៅជំនួបផ្លូវការ ដោយការប្រកួតវគ្គ ១៦ ក្រុម UCL ធ្វើឡើងខែកុម្ភៈ គឺជាលើកទីមួយបង្អស់សម្រាប់លោក។
អតីតលោកធ្លាប់តែដឹកនាំ Barcelona និង Bayern Munich ប៉ះក្រុមកំណាចនៅអេស្ប៉ាញ ហើយស្ថិតិដឹកនាំក៏ Pep ធ្វើបានល្អគួរសម ជាពិសេសអំឡុងពេលនៅ Barcelona។
ពេលលោកធ្វើជាគ្រូបង្វឹកនៅ Bayern លោកធ្លាប់តតាំង Madrid ២ លើក ដោយលើកទីមួយបរាជ័យក្រោមថ្វីជើងម្ចាស់ផ្ទះ Bernabeu ១-០ ហើយដល់ជើងទី ២ ចាញ់ ៤-០ ក្នុងដីខ្លួនឯងទៀត សរុបមកអំឡុងដឹកនាំ Bayern ២ លើកមិនធ្លាប់ឈ្នះ Madrid ទាល់តែសោះ។
បង្វែរទៅការដឹកនាំនៅអេស្ប៉ាញជាមួយទ្រនំអ្នកមានបុណ្យ លោកបានយកឈ្នះ Madrid ដល់ទៅ ៩ លើក ស្មើ ៤ លើក និងចាញ់តែពីរលើកគត់ ហើយសម្រេចគ្រាប់បាល់បានដល់ទៅ ៣៣ គ្រាប់។ ចុះជាមួយ Man City វិញ តើនឹងទៅជាបែបណា?