Haaland ​ថា​ខ្លួន​ចង់​ចូល​រួម​ជាមួយ​ក្រុម Man Utd ​

ខ្សែ​ប្រយុទ្ធ Haaland ​ថា​ខ្លួន​ចង់​ចូល​រួម​ជាមួយ​ក្រុម​បិសាច​ក្រហម Manchester United ​ប្រសិន​បើ​មាន​ឱកាស​ពិត​មែន ​ក្រោម​ការ​ដឹក​នាំ​របស់​លោក​ Ole Gunnar Solskjaer។

មាន​ដំណឹង​មក​ថា Solskjaer ​បាន​ធ្វើ​ដំណើរ​ទៅ Salzburg ​ផ្ទាល់​តែ​ម្ដង ដើម្បី​បញ្ចុះបញ្ចូល Haaland ​ឱ្យ​មក​រួម​ក្រុម​បិសាច​ក្រហម។ ​អ្នក​ទាំង​ពីរ​នេះ ​ធ្លាប់​ធ្វើ​ការ​ជាមួយ​គ្នា​ម្ដង​មក​ហើយ ​កាល​នៅ​ក្រុម Molde ​ដូច្នេះ​ហើយ​គេ​ជឿ​ថា​សម្ដី​របស់​លោក Solskjaer ​នឹង​ទទួល​បាន​ផល​ល្អ​មិន​ខាន។ ស្រប​ពេល​ក្រុម Salzburg ​វិញ ​ក៏​ទំនង​ជា​លក់​ខ្សែ​ប្រយុទ្ធ​វ័យ​ក្មេង​របស់​ខ្លួន​ដែរ ប្រសិន​បើ​ទទួល​បាន​តម្លៃ​សមស្រប។

មាន​ប្រភព​បាន​បញ្ជាក់​ទៀត​ថា ​កីឡាករ​វ័យ​១៩​ឆ្នាំ​ខាង​លើ​នេះ​បាន​យល់​ព្រម​ក្នុង​ការ​ផ្ទេរ​មក​លេង​នៅ Man Utd ​ទៅ​ហើយ ​ដោយ​បច្ចុប្បន្ន​នៅ​តែ​ក្លឹប​សងខាង​ចរចា​តម្លៃ​ខ្លួន​គ្នា​ប៉ុណ្ណោះ។ Haaland ​ខាង​លើ​នេះ​ទទួល​បាន​ការ​ចាប់​អារម្មណ៍​ខ្លាំង ​ក្រោយ​ពី​រក​គ្រាប់​បាល់​បាន​ច្រើន​ឱ្យ​ក្រុម Salzburg ​ក្នុង​ការ​លេង​ពាន​រង្វាន់ UEFA Champions League ​។ ​នា​រដូវ​កាល​នេះ រូបគេ​រក​បាន​២៨​គ្រាប់​ទៅ​ហើយ ​ក្នុង​ការ​បង្ហាញ​ខ្លួន​២២​ប្រកួត៕ប្រភព៖ Dailymail


ភ្ជាប់ទំនាក់ទំនងជាមួយ CTS SPORT