ថ្លែងក្រោយសម្រេចគ្រាប់បាល់ចុងម៉ោងជួយឲ្យ Real Madrid ឆ្លងផុតបរាជ័យទល់ Valencia ខ្សែប្រយុទ្ធ Karim Benzema បានបង្ហាញពីមហិច្ឆតាធំក្នុងការចង់លើកពាន LaLiga នារដូវកាល ២០១៩/២០ នេះ។
Real Madrid កំពុងមាន ៣៥ ពិន្ទុស្មើនឹងអ្នកមានបុណ្យ ហើយក្រុមទាំងពីរនឹងត្រូវជួបគ្នានៅជំនួបជុំទី ១៧ El Clasico ក្នុងកីឡដ្ឋាន Camp Nou នាថ្ងៃព្រហស្បតិ៍សប្តាហ៍នេះ ហើយក្រុមណាដែលទទួលបានជ័យជម្នះនឹងមានឱកាសឡើងមកឈរកំពូលតារាងបណ្តោះអាសន្ន។
Benzema បាននិយាយថា៖ “ខ្ញុំចង់ឈ្នះពានលិគមួយនេះ ហើយប្រសិនអាចជួយមិត្តរួមក្រុមរបស់ខ្ញុំបានទាំងការលេងនិងការណែនាំផ្សេងៗ ខ្ញុំនឹងធ្វើ ដោយខ្ញុំគឺជាប្រធានក្រុមទីពី បែបនេះខ្ញុំចាំបាច់ត្រូវតែជួយ”។
ឆ្លើយឆ្លងដល់ការព្រួយបារម្ភ ទន្ទឹមពេលដែល Madrid ធ្លាប់បរាជ័យធ្ងន់កក្រោមលទ្ធផល ៥-១ ដោយសារ Barca ក្នុងដីកាលពីរដូវកាលចាស់ ក៏ត្រូវបាន Benzema បញ្ជាក់ថា៖ “វាពិតជាលំបាកនៃការលេងនៅទីនោះ ដោយនៅ Camp Nou តែងតែជាការប្រកួតដ៏សំខាន់មួយប្រចាំរដូវកាល បែបនេះយើងសង្ឃឹមថានឹងអាចយកជ័យជម្នះបាន”៕ ប្រភព៖ Marca