De Jong ​៖ ​VAR ​គួរ​តែ​ផ្ដល់​បាល់​ប៉េណាល់ទី​ឱ្យ Barcelona ​

Frenkie de Jong ​គិត​ថា​អាជ្ញាកណ្ដាល​គួរ​តែ​ពិនិត្យ​មើល VAR ​ហើយ​ផ្ដល់​បាល់​ប៉េណាល់ទី​ឱ្យ​ទៅ​ក្រុម FC Barcelona ​ក្នុង​ការ​ប្រកួត​នៅ​យប់មិញ​នេះ​។ក្រុម Barcelona ​ចែក​គ្នា​ម្នាក់​១​ពិន្ទុ ​ក្រោយ​ពី​ស្មើ​ក្រុម Real Sociedad ​ក្នុង​លទ្ធផល ២-២។ ​ក្នុង​ការ​ប្រកួត​នេះ​ដែរ ​កីឡាករ​ក្រុម​អ្នក​មាន​បុណ្យ​មិន​អស់​ចិត្ត​នោះ​ទេ ​ព្រោះ​អាជ្ញាកណ្ដាល​មិន​បាន​ផ្ដល់​បាល់​ប៉េណាល់ទី​ឱ្យ​ពួកគេ​១​គ្រាប់ ​ដែល​បាល់​នោះ​អាច​ជា​បាល់​ជ័យជម្នះ​ក្នុង​ការ​ប្រកួត។

ក្នុង​នោះ​ដែរ De Jong ​កីឡាករ​ចំណូល​ថ្មី​វ័យ​ក្មេង​របស់​ក្រុម Barcelona ​បាន​និយាយ​ដូច្នេះ​ថា​៖ “អាជ្ញាកណ្ដាល​បាន​ផ្ដល់​បាល់​ប៉េណាល់ទី​ឱ្យ Sociedad ​ដែល​មាន​ករណី​ដូច Pique ​ដែរ ប៉ុន្តែ​ដល់​វេន​ក្រុម Barcelona ​វិញ ពួកគេ​បែរ​ជា​មិន​ពិនិត្យ VAR ​ទៅ​វិញ។ វា​ជា​ការ​ប្រកួត​ដែល​តឹងតែង ​ហើយ​អាជ្ញាកណ្ដាល​គួរ​ពិនិត្យ​ឱ្យ​បាន​ម៉ត់ចត់​មុន​សម្រេច​ចិត្ត”។ចំពោះ​រឿង​១​គ្រាប់​នេះ​ដែរ ​លោក Valverde ​ដែល​ជា​អ្នក​ចាត់ការ​ក្រុម Barcelona ​ក៏​មិន​និយាយ​អ្វី​ច្រើន​ដែរ ព្រោះ​លោក​បញ្ជាក់​ថា​លោក​មិន​មែន​ជា​អាជ្ញាកណ្ដាល​កាត់​សេចក្ដី​ឡើយ។ ​លោក​នៅ​តែ​ជឿ​ជាក់​លើ​ការ​សម្រេច​ចិត្ត​របស់​អាជ្ញាកណ្ដាល​ក្នុង​ការ​ប្រកួត​ជា​និច្ច៕


ប្រភព៖  Marca

ភ្ជាប់ទំនាក់ទំនងជាមួយ CTS SPORT