ខ្សែប្រយុទ្ធ Lucas Moura បានបញ្ជាក់ថាក្រុម Spurs ក្រោមការដឹកនាំរបស់លោក Jose Mourinho នឹងមានឱកាសបានលើកពានរង្វាន់ជាក់ជាមិនខាន។អ្នកចាត់ការចាស់ Pochettino បាននាំក្រុម Spurs នេះឡើងដល់វគ្គផ្ដាច់ព្រ័ត្រពានរង្វាន់ UEFA Champions League ប៉ុន្តែចាញ់ក្រុម Liverpool ។ ក្រោយពីនោះមក លោកត្រូវក្លឹបបណ្ដេញចេញដោយសារដឹកនាំក្រុមមិនល្អរដូវកាលថ្មីនេះ និងយកលោក Jose Mourinho មកដឹកនាំក្រុមបន្ដ។ ជាមួយការដឹកនាំរបស់លោក Jose នេះដែរ បានធ្វើឱ្យខ្សែប្រយុទ្ធ Moura គិតថាក្រុម Spurs ល្មមដល់ពេលលើកពានរង្វាន់បានហើយ។
“គ្រប់គ្នាសប្បាយចិត្តពេលបានធ្វើការជាមួយគាត់។ គាត់មានទេពកោសល្យ ជាមនុស្សមានឥទ្ធិពលសម្រាប់គ្រប់គ្នា។ អ្នកទាំងអស់គ្នាសុទ្ធតែដឹងការងាររបស់គាត់ គាត់ល្អកម្រិតណា គាត់ធ្លាប់ឈ្នះពានរង្វាន់ជាច្រើនជាមួយក្រុមដែលគាត់ធ្លាប់ដឹកនាំ។ នេះជាឱកាសល្អសម្រាប់ Spurs ដើម្បីឈ្នះពានរង្វាន់ហើយ”។ សម្ដីរបស់ Moura ៕
ប្រភព៖ DailyMail