ក្រុម Liverpool បានបន្ដយកឈ្នះលើក្រុម Watford ក្នុងលទ្ធផល ២-០ ថែមទៀតក្នុងការប្រកួតលីគកំពូលអង់គ្លេសកាលពីយប់មិញនេះ។ជ័យជម្នះនេះដែរ បានធ្វើឱ្យក្រុម Liverpool ដាច់ពិន្ទុពីក្រុមលេខ២ Leicester City ១០ពិន្ទុហើយ និងមានកំណត់ត្រាមិនចាញ់៣៤ប្រកួតផងដែរ។ លោក Klopp បាននិយាយចំពោះការធ្វើបានយ៉ាងល្អនេះថា នឹងមានក្រុមជាច្រើនមិនពេញចិត្តនោះទេ ប៉ុន្តែលោកនឹងបន្ដធ្វើឱ្យក្រុមទាំងអស់នោះច្រណែនជាមួយក្រុម Liverpool ជាមួយកំណត់ត្រាជាច្រើនទៀតនាពេលខាងមុខ។
យ៉ាងណាមិញ ក្នុងការប្រកួតនៅយប់មិញនេះដែរ ក្រុម Liverpool ក៏មានកីឡាករម្នាក់របួសដែរគឺ Wijnaldum ។ របួសសរសៃពួរនេះ អាចនឹងធ្វើឱ្យកីឡាករហុល្លង់នេះ មិនអាចចូលជួយក្រុមលេងពានរង្វាន់ FIFA Club World Cup បានឡើយ។ រូបគេនឹងក្លាយជាកីឡាករទី២របស់ក្រុមហង្សក្រហមដែលកំពុងមានរបួសបន្ទាប់ពី Fabinho ៕
ប្រពព៖ DailyMail
