មិន​អន់​ទេ! ក្រុមជើងឯកពានមិត្តភាព BTV Cup២០១៩ ​នៅវៀតណាមជាង​២ម៉ឺនដុល្លារ

ក្រុម​ជម្រើស​ជាតិ​កម្ពុជា​វ័យ​ក្រោម​២០ឆ្នាំបាន​ទៅ​ចូល​រួម​ប្រកួតពានរង្វាន់​មិត្តភាព​ BTV Cup 2019 នៅ​ខេត្ត Binh Duong ប្រទេស​វៀតណាម​ខណៈ​ពាន​រង្វាន់​នេះ​មាន​ក្រុម​ចូល​រួម​តែ​៤​ប៉ុណ្ណោះ។

ក្រុម​ដែល​ចូល​រួម​មាន U20 កម្ពុជា U20មីយ៉ាន់ម៉ា U20វៀតណាម ​និង​ក្រុមម្ចាស់​ផ្ទះ Becamix Binh Doung។ ជំនួប​រវាង U20មីយ៉ាន់ម៉ា​ប៉ះ​ជាមួយម្ចាស់​ផ្ទះ ក្រុមម្ចាស់​ផ្ទះ Becamix Binh Doung នឹង​ធ្វើ​ការ​ប្រកួត​នៅ​ថ្ងៃ​នេះ​តែ​ម្ដង​ខណៈ​ជំនួប​រវាង​U20 កម្ពុជា​ប៉ះ​ជាមួយ U20វវៀតណាម​ប្រកួត​នៅ​ថ្ងៃ​ទី​១៥​ខែ​ធ្នូស្អែក​នេះ។

រូបមន្តនៃ​ការ​ប្រកួត​គឺ​លេង​តែ​២​ប្រកួតប៉ុណ្ណោះ។ ក្រុមដែល​ឈ្នះក្នុង​ការ​ប្រកួត​ទី​១​នេះ​នឹង​ឡើង​ទៅ​វគ្គផ្ដាច់​ព្រ័ត្រយកលេខ១និង​លេខ​២​ ហើយ​ក្រុម​ដែល​ចាញ់​ទាំង​២​ក្រុម​និង​លេងយក​លេខ​៣ ​ខណៈ​ការ​ប្រកួត​ធ្វើ​ឡើង​នៅ​ថ្ងៃ​ទី​១៨​ធ្នូ។

ក្រុម​ជើង​ឯក​ទទួលបាន​ប្រាក់រង្វាន់ ៥០០លាន​ដុងស្មើ​នឹង២១៦០០ដុល្លារអាមេរិក (USD 21,600)។ ចំណែក​ក្រុម​លេខ​២​ទទួល​បានម៣០០លាន​ដុង(១៣០០០ដុល្លារ)ខណៈដែលក្រុម​លេខ​៣​ទទួល​បាន១៥០លាន​ដុង(៦៥០០ដុល្លារ)៕

ភ្ជាប់ទំនាក់ទំនងជាមួយ CTS SPORT