ក្រុម Real Madrid កំពុងចរចាយកខ្សែការពារ Kalidou Koulibaly របស់ក្រុម Napoli ដោយមានកីឡាករ Luka Modric ជាថ្នូរក្នុងការចរចានេះ។
Koulibaly ជាខ្សែការពាររឹងមាំម្នាក់នាពេលបច្ចុប្បន្ន ដោយមានក្លឹបជាច្រើនចង់បានរូបគេតាំងពីរដូវកាលមុនម្ល៉េះ ប៉ុន្តែក្រុម Napoli មិនព្រមលក់ឱ្យឡើយ។ កីឡាករសេណេហ្គាល់រូបនេះ ត្រូវបានក្រុមReal Madrid តាមមើលជើងយូរមកហើយ ដោយទើបដាក់តម្លៃខ្លួនទិញយកប៉ុណ្ណោះ ដោយពួកគេមានកីឡាករម្នាក់មកធ្វើជាថ្នូរថែមទៀត គឺខ្សែបម្រើ Luka Modric ។
លោក Zidane ត្រូវការខ្សែការពាររឹងមាំម្នាក់ទៀតសម្រាប់ក្រុមលោក ដើម្បីរក្សាសំណាញ់ទីឱ្យបានល្អ ខ្លាចក្រែងមានកីឡាករណាម្នាក់របួស។ ដូច្នេះហើយទើបលោក ព្យាយាមយកKoulibaly ឱ្យបាន ដោយហ៊ានទាំងយក Modric ទៅប្ដូរ។ កីឡាករក្រូអាតវ័យ៣៤ឆ្នាំនារដូវកាលនេះ មិនបានចូលលេងជម្រើស១១នាក់ដំបូងច្រើនទេ ដោយបានត្រឹមប្ដូរចូលប៉ុណ្ណោះ៕ប្រភព៖ Dailymail
