ប្រធានផ្នែកកីឡារបស់ក្លឹប Red Bull Salzburg លោក Christoph Freund បានបញ្ជាក់ជាផ្លូវការថា Erling Haaland ពិតជាបានធ្វើដំណើរទៅកាន់ក្លឹប Borussia Dortmund និង RB Leipzig ដើម្បីសិក្សាលើលទ្ធភាពក្នុងការផ្លាស់ចេញនាទីផ្សារដោះដូរខាងមុខនេះពិតមែន។
Haaland ជាយុវជនលេចធ្លោមួយរូបនៅ UEFA Champions League ក្រោយរកបាន ៨ គ្រាប់ម្នាក់ឯង ទាំងខ្លួនស្ថិតនៅវ័យ ១៩ ឆ្នាំតែប៉ុណ្ណោះ។ ជារឿងសោកស្តាយដែល Salzburg បានធ្លាក់ត្រឹមវគ្គចែកពូល ក្រោយមិនអាចយកឈ្នះទៅលើហង្សក្រហម Liverpool នាប្រកួតជុំចុងក្រោយ។
លោក Freund បានទម្លាយថា៖ “យើងកំពុងស្ថិតក្នុងការជជែកពិភាក្សា ដោយជាការពិតយើងបានដឹងហើយ Haaland បានហោះទៅ Leipzig និង Dortmund កន្លងទៅ ដោយគ្រប់គ្នានៅទីនេះសុទ្ធសឹងជូនពរចង់ឲ្យមានរឿងល្អបំផុតកើតឡើងសម្រាប់គេ”៕ ប្រភព៖ FoxSportAsia