លោក Carlo Ancelotti បានទៅដល់អង់គ្លេសហើយ ដើម្បីចរចាដឹកនាំក្រុម Everton ក្រោយពីចែកផ្លូវគ្នាជាមួយក្រុម Napoli រួចមក។
Everton ទើបតែដកលោក Silva ចេញពីតំណែង ស្របពេលលោក Ancelotti ក៏អស់តំណែងនៅក្លឹប Napoli ទៀត។ នេះជាឱកាសសម្រាប់ក្រុមនៅអង់គ្លេស ដើម្បីនាំមកយកលោក Ancelotti មកដឹកនាំក្រុម ដោយមិនចាំបាច់បង់ប្រាក់ទៅក្លឹប Napoli ដើម្បីផ្ដាច់កុងត្រាអ្វីនោះទេ ពោលគឺឱ្យតែចរចាជាមួយសាមីខ្លួនត្រូវ នោះនឹងអាចហៅមកដឹកនាំបានហើយ។
មិនត្រឹមតែ Everton ទេដែលចង់បានលោក Ancelotti ដឹកនាំ ពោលគឺក្រុម Arsenal ឯណោះក៏ចង់បានដូចគ្នា។ ពួកគេបណ្ដេញលោក Emery ចេញពីតំណែង រហូតមកដល់ពេលនេះនៅមិនទាន់រកឃើញអ្នកជំនួសបាននៅឡើយ។ Ancelotti ជាអ្នកចាត់ការមានបទពិសោធម្នាក់ ដូច្នេះហើយទើបបានជាមានក្លឹបជាច្រើនចង់បានឱកាសនេះ ហៅលោកមកដឹកនាំក្រុម៕ប្រភព៖ Dailymail
