លោក Pep អាចនឹងចាកចេញពីក្រុម Manchester City នាចប់រដូវកាលនេះ ប្រសិនបើលោកមិនអាចដឹកនាំក្រុមឱ្យដល់គោលដៅទេនោះ។
ប្រភពនៅអង់គ្លេសបានបញ្ជាក់ថាកុងត្រារបស់លោក Pep នៅមានដល់ឆ្នាំ២០២១ ប៉ុន្តែក្នុងលិខិតក៏បានបញ្ជាក់ដែរថាលោកនឹងចាកចេញពីក្រុមនេះដោយខ្លួនឯងតែម្ដង ប្រសិនបើមិនអាចនាំក្រុមឱ្យដល់គោលដៅដែលថ្នាក់ដឹកនាំចង់បានទេនោះ។ ការចុះកុងត្រានេះដូច្នេះ មិនមែនជាជម្រើសរបស់ក្រុម Man City ទេ ប៉ុន្តែលោក Pep ខ្លួនឯង ជាអ្នកកំហិត ដើម្បីសម្រេចឱ្យបាននៅគោលដៅរបស់ខ្លួន ហើយលោកក៏មានទំនុកចិត្តខ្លាំងណាស់ដែរ។
ម្ចាស់ក្លឹប Man City ផ្ទាល់នៅមានទំនុកចិត្តខ្លាំងចំពោះលោក Pep បើទោះជារដូវកាលនេះ ពួកគេកំពុងដាច់ពិន្ទុឆ្ងាយពីក្រុមលេខ១ Liverpool ក៏ដោយ។ ការទុកចិត្តខ្លាំងនេះ ដោយសារតែ២រដូវកាលកន្លងមកនេះ លោក Pep នាំក្រុមលើកពានលីគអង់គ្លេសបាន៕ប្រភព៖ Dailymail
