Juventus បានបញ្ចប់លទ្ធផលក្នុងការប្រកួតនាវគ្គចែកពូល UCL បានយ៉ាងល្អបំផុតនារដូវកាល ២០១៩/២០ នេះ ក្រោយទទួលជោគជ័យ ៥ លើកនិងស្មើ ១ លើក ក្នុងការប្រកួតទាំង ៦ លើក។
លំដាប់ពិន្ទុក្នុងពូលរបស់សេះបង្កង់បានរុញឲ្យលោក Maurizio Sarri ដែលជាអ្នកចាត់ការក៏ឈានមកស្មើកំណត់ត្រាចាស់របស់អ្នកចាត់ការលោក Marcello Lippi និង Fabio Capello ដែលធ្លាប់ទទួលបាន ១៦ ពិន្ទុដូចគ្នានាវគ្គចែកពូល។
កំណត់ត្រាចាស់របស់ Lippi ធ្លាប់កើតឡើងនារដូវកាល ១៩៩៦/៩៧ ស្របពេល Capello កើតឡើងនារដូវកាល ២០០៤/០៥។ ប្រកួតចុងក្រោយលើការយកឈ្នះ Bayer Leverkusen លេចចេញពីកិច្ចសហការយ៉ាងល្អរបស់ខ្សែប្រយុទ្ធជួរមុខទាំង ៣ រូបមាន Ronaldo-Dybala-Higuain៕ ប្រភព៖ AF