ក្រោយចាយពេលអស់ ៥ រដូវកាលកន្លះជាមួយនឹង PSG តារាឆ្នើម Edinson Cavani ទំនងជាកៀកនឹងឈានដល់ផ្លូវបែកហើយ ពោលគឺនាទីផ្សារដោះដូរខែមករាខាងមុខ អាចជាពេលវេលាសក្តិសមបំផុតសម្រាប់កីឡាករសញ្ជាតិអ៊ុយរុយហ្គាយ។
ទិដ្ឋភាពកន្លងទៅនៅឯកីឡដ្ឋាន Parc des Princes ខ្សែប្រយុទ្ធឆ្នើម Cavani បានទទួលការសាទរនិងបង្ហាញភាពកក់ក្តៅពីសំណាក់មិត្តរួមនិងអ្នកគាំទ្រទាំងមូល។ Cavani បានទទួលបាល់ប៉េណាល់ទីដែលផ្តល់ជូនដោយ Neymar jr ហើយក្រោយស៊ុតបញ្ចូលទីគ្រាប់បាល់ទី ៥ អ្នកគាំទ្រពេញកីឡដ្ឋានបានបង្ហាញការសាទរខ្លាំងបំផុត។
បុរសវ័យ ៣២ ឆ្នាំបានបង្ហោះសារ ក្នុងអត្ថន័យបង្កប់ដល់ការត្រៀមចែកផ្លូវយ៉ាងដូច្នោះថា៖ “ពិតជាមិនអាចបំភ្លេចបានក្នុងការឃើញនិងទទួលអារម្មណ៍ដែលបានកើតឡើងថ្ងៃម្សិលមិញនៅ Parc des Princes ហើយខ្ញុំនឹងចងចាំរឿងរ៉ាវមួយនេះជារៀងរហូតទៅ”៕ ប្រភព៖ AF