និយាយទាំងមិនលាក់បាំងនិងបង្កការភ្ញាក់ផ្អើលសម្រាប់អ្នកគាំទ្រ តារាឆ្នើម Cristiano Ronaldo បានឆ្លើយតបថាខ្លួនពិតជាចង់ជួបក្រុមខ្លាំង Real Madrid នៅវគ្គផ្តាច់ព្រ័ត្រពានរង្វាន់ UEFA Champions League។
នៅភាគរយនៃការចាប់ពូល ក្រុមទាំងពីរអាចនឹងត្រូវប៉ះគ្នា ស្របពេលដែល Real Madrid ឈរលេខ ២ ក្នុងពូល និង Juventus ឈរលេខ ១ ក្នុងពូល។ ការចាប់ឆ្នោតធ្វើឡើងនាថ្ងៃទី ១៦ ធ្នូ ប៉ះថ្ងៃចន្ទ វេលាម៉ោង ០៦:០០ នាទីល្ងាច។
ឆ្លើយតបទៅកាន់អ្នកសារព័ត៌មាន៖ “Madrid គឺជាក្រុមដ៏អស្ចារ្យបំផុតមួយ ប៉ុន្តែខ្ញុំចង់ជួបពួកគេនៅវគ្គបន្តបន្ទាប់ទៀត ពោលគឺចង់ប៉ះ Madrid នៅវគ្គផ្តាច់ព្រ័ត្រជាង”។
សួរនាំរឿងទំនាក់ទំនងរវាងមិត្តរួមក្រុម CR7 ឆ្លើយ៖ “យើងពិតជាមានភាពរីករាយជាមួយគ្នា ដោយទាំងការលេងជាមួយ Dybala និង Higuain ព្រោះយើងយល់គ្នាទៅវិញទៅមកបានល្អណាស់ ហើយសម្រាប់អ្នកចាត់ការលោកជាអ្នកសម្រេចចិត្ត បែបនេះយើងត្រូវតែគោរពលើការសម្រេចចិត្តនោះ”៕ ប្រភព៖ BeSoccer