ក្រុមបិសាចក្រហម Manchester United ចាប់ផ្ដើមរៀបចំឲ្យ Paul Pogba ចាកចេញពី Old Traffod នៅរដូវកាលក្រោយខណៈដែលកីឡាកររូបនេះមានទំនាក់ទំនងផ្ទេរទៅលេងនៅ Real Madrid។
កីឡាករសញ្ជាតិបារាំងត្រូវបានគេរំពឹងថានឹងចាកចេញពីក្លិបកាលពីដើមរដូវកាលមកម្ល៉េះដោយមូលហេតុរូបនេះបញ្ជាក់ច្បាស់ថាចង់ស្វែងរកការប្រកួតប្រជែងថ្មីនៅកន្លែងផ្សេងទៀត។ Real Madrid ព្យាយាមយ៉ាងខ្លាំងក្នុងការជំរុញឱកាសឲ្យចុះកុងត្រាយកPogba នៅរដូវក្ដៅនេះ ស្របពេលលោក Zinedine Zidane ចួលរួមបង្ហាញពីការចង់បានមករួមក្រុម ប៉ុន្តែបិសាចក្រហមចង់បានតម្លៃខ្លួនកីឡាកររូបនេះ ១៦០លានផោនឯណោះ។
ទោះបីជាយ៉ាងនេះក្ដី! តាមប្រភពកាសែតអង់គ្លេស Daily Mail, United បានរៀបចំឲ្យ Pogba ចាកចេញពីក្លិបអស់មួយជីវិតនៅរដូវកាលក្រោយប៉ុន្តែក្លិបចាំបាច់រកខ្សែបម្រើមកជំនួសចំនួន២នាក់ឲ្យបានសិនមុនរដូវកាល ២០២០-២០២១ដល់។ គេបានដឹងថា បិសាចក្រហមចាប់អារម្មណ៍ Saul Niguez របស់ Atletico Madridហើយនិង James Maddison ពីក្លិប Leicester City។
រដូវកាលនេះ Pogba មានបញ្ហាច្រើនមកពីរបួសពិសេសរបួសជើងនេះបានធ្វើឲ្យរូបគេមិនសូវបានលេងច្រើនហើយគិតមកទល់ពេលនេះ រូបគេលេងបាន៥ប្រកួតគិតគ្រប់ពានរង្វសន់តែប៉ុណ្ណោះចាប់តាំងពីខែសីហាមក៕