ក្រុម Chelsea ត្រូវការឈ្នះក្រុម Lille ដាច់ខាត ទើបអាចឡើងទៅវគ្គបន្ដបាន ក្នុងការប្រកួតពានរង្វាន់ UEFA Champions League នៅរាត្រីនេះ។
គិតត្រឹម៥ប្រកួតមកនេះ ក្រុម Chelsea ស្ថិតនៅលេខ៣មាន៨ពិន្ទុ ស្របពេល Ajax មាន១០ពិន្ទុ និង Valencia មាន៨ពិន្ទុដែរ។ ការប្រកួតចុងក្រោយនេះ ក្រុម Chelsea ត្រូវប៉ះក្រុមបាតតារាង Lille និងក្រុម Ajax ត្រូវប៉ះក្រុម Valencia កាត់សេចក្ដី។ តាមពិន្ទុនេះ ប្រសិនបើ Chelsea អាចឈ្នះបាន នោះពួកគេនឹងមានឱកាសបានឡើងទៅវគ្គ១៦ក្រុមចុងក្រោយហើយ។
លោក Lampard ដែលជាអ្នកចាត់ការក្រុមតោខៀវ មានទំនុកចិត្តលើកូនក្រុម១០០%សម្រាប់ការប្រកួតចុងក្រោយនេះ។ លោកបានបញ្ជាក់ថាកីឡាករក្មេងៗរបស់ Chelsea មានសមត្ថភាពគ្រប់គ្រាន់ដើម្បីយក៣ពិន្ទុជូនអ្នកគាំទ្រ ក៏ដូចជានាំក្រុមឡើងទៅវគ្គបន្ដទៀត៕ប្រភព៖ DailyMail
