Rakitic បាននិយាយថាគ្មានក្លឹបណាសក្ដិសមសម្រាប់ខ្លួនគេ ជាងក្រុម FC Barcelona ទៀតទេ ដូច្នេះហើយទើបមិនចង់ចាកចេញទៅណាឡើយ។
ខ្សែបម្រើក្រូអាតខាងលើមិនសប្បាយចិត្តទេ កាលពីដើមរដូវកាលនេះ ដោយសារតែខ្លួនអង្គុយកៅអីបម្រុងជាប់រហូត មិនមានឱកាសបានចូលលេង។ រឿងអត់បានលេងនេះ Ratikic ធ្លាប់ព្រមានពីការចាកចេញនៅខែមករានេះទៀតផង។ យ៉ាងណាមិញ មួយរយៈចុងក្រោយ ទទួលបាននាទីលេងវិញ ទើបរូបគេបានបោះបង់ចិត្តចង់ចាកចេញពីក្លឹបនេះចោលវិញ ដោយបញ្ជាក់ថាមានតែ Barcelona នេះហើយ ជាទ្រនំល្អបំផុតសម្រាប់ខ្លួន។
កីឡាករវ័យ៣១ឆ្នាំបានបន្ថែមដូច្នេះថា៖ “រឿងរ៉ាវជាច្រើនបានកើតឡើងប៉ុន្មានខែកន្លងទៅនេះ។ រឿងខ្លះកើតឡើង ធ្វើឱ្យយើងមិនយល់ទេ ប៉ុន្តែយើងត្រូវតែទទួលវាដដែល។ វាបានកើតមកលើខ្ញុំ។ គ្មាននរណាម្នាក់ឱ្យគ្រប់បែបយ៉ាងទៅអ្នកទេ រហូតទាល់តែអ្នកព្យាយាមដោយខ្លួនឯង។ ខ្ញុំស្រលាញ់ក្លឹបនេះ ហើយគ្មានក្លឹបណាល្អជាងក្លឹបនេះទៀតទេ សម្រាប់ខ្ញុំ”៕ប្រភព៖ MARCA