ខ្សែប្រយុទ្ធ Lionel Messi រកបាន៣គ្រាប់ម្នាក់ឯង ក្នុងការប្រកួតដែល Barcelona យកឈ្នះក្រុម Real Mallorca ក្នុងលទ្ធផល ៥-២ កាលពីយប់មិញ។៣គ្រាប់បន្ថែមនេះ បានធ្វើឱ្យប្រធានក្រុមអ្នកមានបុណ្យខាងលើរកបាន១២គ្រាប់ហើយនារដូវកាលនេះ ក្នុងក្របខណ្ឌ La Liga ។ ដោយចំនួននេះគឺលើសខ្សែប្រយុទ្ធ Karim Benzema ១គ្រាប់ ពោលគឺបច្ចុប្បន្នកីឡាករបារាំងទើបរកបាន១១គ្រាប់ប៉ុណ្ណោះ។ Messi លេងនាទីតិចជាង Benzema ប៉ុន្តែប៉ុន្មានប្រកួតចុងក្រោយនេះ រូបគេរកគ្រាប់បាល់បានច្រើនខ្លាំងណាស់។
ក្រៅពីឡើងលេខ១ក្នុងតារាងអ្នករកគ្រាប់បាល់នេះហើយ Messi ក៏កំពុងនាំក្រុមអ្នកមានបុណ្យឈរនៅលេខ១ក្នុងតារាង La Liga ផងដែរ។ ដោយពេលនេះ Barcelona មាន៣៤ពិន្ទុ ដូច Real Madrid ដែរ ប៉ុន្តែមានគ្រាប់បាល់ចំណេញ២៣គ្រាប់ លើស Real មានតែ២១គ្រាប់ប៉ុណ្ណោះ៕
ប្រភព៖ Marca