ក្រុម Manchester City បានបរាជ័យក្រោមថ្វីជើងក្រុម Manchester United ក្នុងលទ្ធផល ២-១ ក្នុងការប្រកួតលីគកំពូលអង់គ្លេសនៅយប់មិញនេះ។ក្នុងការប្រកួតដែលជក់ចិត្តនេះដែរ អ្នកគាំទ្ររបស់ក្រុម Man City បានបង្ហាញការរើសអើងមើលងាយដល់កីឡាករស្បែកខ្មៅក្រុម Man Utd ។ Fred ខ្សែបម្រើរបស់ក្រុមបិសាចក្រហម ត្រូវបានអ្នកគាំទ្រដៀមដាមច្រើនជាងគេក្នុងការប្រកួតនេះ។ ដោយសូម្បីតែការផ្សាយផ្ទាល់ ក៏បានចាប់ប្លង់ដែលអ្នកគាំទ្រប្រើកាយវិការមិនសមរម្យនេះផងដែរ។
បច្ចុប្បន្នទាំងក្រុម Man City និងកម្លាំងប៉ូលិស កំពុងស្វែងរកអ្នកដែលបង្កការរើសអើងនេះឡើង។ ក្នុងលីគតំបន់អឺរ៉ុប ការរើសអើងនេះតែងតែកើតមានឡើងជានិច្ច ហើយភាគច្រើននៃអ្នកគាំទ្រដែលបង្ហាញការរើសអើង គឺត្រូវពិន័យជាប្រាក់ និងមួយចំនួនទៀតរហូតដល់ជាប់បម្រាមហាមចូលមើលបាល់មួយជីវិតទៀតផង៕
ប្រភព៖ DailyMail