ក្រុម Atletico Madrid លេងបានត្រឹមស្មើក្រុម Villarreal ០-០ កាលពីយប់មិញនេះ ធ្វើឱ្យតំណែងរបស់លោក Simeone កាន់តែក្ដៅទៅហើយ។
ក្រុម AT Madrid ទម្រង់ធ្លាក់ចុះច្រើនប៉ុន្មានប្រកួតចុងក្រោយនេះ ដោយលេង៦ប្រកួត ឈ្នះទើបបានតែម្ដងប៉ុណ្ណោះ។ បរាជ័យផ្ទួនៗគ្នានេះហើយ ធ្វើឱ្យក្រុមមួយនេះហាក់ឆ្ងាយមែនទែនហើយ ពីការប្រជែងជើងឯកលីគអេស្ប៉ាញ។ ដោយបច្ចុប្បន្នឈរនៅលេខ៦ក្នុងតារាង មាន២៦ពិន្ទុ ឆ្លងកាត់ការប្រកួត១៦ប្រកួត។
នេះជាសម្ពាធមួយរបស់លោក Simeone ក្នុងការដឹកនាំក្រុម។ ខណៈដែលមានអ្នកគាំទ្រជាច្រើនចង់ឃើញវត្តមានអ្នកដឹកនាំថ្មីមកពង្រឹងក្រុមឡើងវិញ។ សាមីខ្លួនផ្ទាល់ក៏និយាយពីការលេងមិនល្អរបស់ក្រុមផងដែរ ដោយលោកបញ្ជាក់ថាក្រុមមានឱកាសច្រើន ប៉ុន្តែសំណាងមិនផ្ដល់មកខាងលោកឡើយ៕ប្រភព៖ Dailymail