ក្រុមបាល់ទាត់ក្រោមអាយុ២២ឆ្នាំរបស់វៀតណាម បានឡើងទៅវគ្គពាក់កណ្ដាលផ្ដាច់ព្រ័ត្រហើយ ក្រោយពីលេងស្មើក្រុមថៃ ២-២ កាលពីម្សិលមិញនេះ។
ក្រោយពីចប់ការប្រកួតលោក Park បាននិយាយថា៖ “នេះជាប្រកួតស្វិតស្វាញបំផុតសម្រាប់វៀតណាមនៅស៊ីហ្គេមនេះ។ យើងចាញ់២គ្រាប់មុន ប៉ុន្តែអាចវាយបកវិញបាន២គ្រាប់មកវិញ។ កីឡាកររបស់យើង បានបង្ហាញពីការចង់ឈ្នះ ដោយមិនដែលបោះបង់ចោលទេ។ គ្រប់ការប្រកួត យើងមានយុទ្ធសាស្ត្ររបស់យើង ផ្លាស់ប្ដូរកីឡាករលេង ដើម្បីឱ្យពួកគេបានលេងនិងមានកម្លាំងគ្រប់គ្រាន់”។
វៀតណាម ឡើងវគ្គបន្ទាប់នេះនឹងប៉ះក្រុមកំពុងឡើងជើងកម្ពុជា នៅថ្ងៃទី៧ស្អែកនេះ វេលាម៉ោង៧ល្ងាច។ គោលដៅរបស់ក្រុមវៀតណាម គឺដូចក្រុមកម្ពុជាដែរ ដោយចង់បានមេដាយមាសនៃព្រឹត្តិការណ៍នេះតែម្ដង៕ប្រភព៖ Vnexpress
