Alisson ​ថា​កីឡាករ ២ រូប​មាន​ឥទ្ធិពល​ខ្លាំង​បំផុត​ក្នុង​អាជីព​បាល់ទាត់​ខ្លួន

ក្រោយ​បិទ​ព្រឹត្តិការណ៍ Ballon d’Or ឆ្នាំ ២០១៩ អ្នកចាំទី Alisson Becker ក៏​បាន​ឈ្នះ​ពាន​រង្វាន់​នាម​ជា​អ្នកចាំទី​ល្អ​ដាច់​គេ​ប្រចាំ​ឆ្នាំ ខណៈ​មិត្ត​រួម​ក្រុម​ខ្លួន​គឺ Virgil van Dijkបាន​ឈរ​នៅ​លេខ​រៀង​ទី​ពីរ​នៃ​ពាន Ballon d’Or។

យ៉ាងណាមិញ​ថ្លែង​ក្រោយ​ទទួល​ពាន Yashin Trophy អ្នកចាំទី​សញ្ជាតិ​ប្រេស៊ីល​រូប​នេះ​បាន​និយាយ​ថា​កីឡាករ Lionel Messi និង Ederson គឺ​ជា​បុគ្គល​មាន​ឥទ្ធិពល​ខ្លាំង​បំផុត​ក្នុង​អាជីព​របស់​ខ្លួន។

Alisson បាន​ប្រាប់ France Football ថា៖ “ពេល​យើង​លេង​ទល់​កីឡាករ​ល្អ​បំផុត [Messi] គាត់​បាន​ជួយ​ខ្ញុំ​ច្រើន​ណាស់ ​ព្រោះ​ការ​លេង​ត​ទល់​គាត់​បាន​បន្សល់​មេរៀន​ល្អៗ​ជា​ច្រើន​ដល់​យើង”។

លោក​បន្ត៖ “ជាមួយ​គ្នា​សម្រាប់ Ederson [អ្នកចាំទី City] គឺ​ខ្ញុំ​ពិត​ជា​សំណាង​ដែល​មាន​គាត់ ​ហើយ​ខ្ញុំ​ចាត់​ទុក​គាត់​ដូច​ជា​បង​ប្រុស​ធំ​ម្នាក់​អ៊ីចឹង ពោល​មិន​ធ្លាប់​មើល​ឃើញ​ជា​សត្រូវ ផ្ទុយ​ទៅ​វិញ​មាន​តែ​មើល​ឃើញ​ជា​អ្នក​ដែល​ជួយ​គាំទ្រ​មួយ​រូប រហូត​ពេល​ខ្លះ​មិន​ដឹង​និយាយ​ថា​ម៉េច​ពី​អត្ថន័យ​ដែល​គាត់​មាន​សម្រាប់​ខ្ញុំ”៕ ប្រភព៖ Mirror

ភ្ជាប់ទំនាក់ទំនងជាមួយ CTS SPORT