ក្រុមបិសាចក្រហម Manchester United បានយកឈ្នះលើក្រុម Spurs ក្នុងលទ្ធផល ២-១ នាការប្រកួតលីគកំពូលអង់គ្លេសកាលពីយប់មិញនេះ។
ក្រោយពីចប់ការប្រកួតនេះ លោក Ole អ្នកចាត់ការក្រុម Man Utd បានលើកសរសើរដល់ខ្សែបម្រើ Scott McTominay ដែលបានបង្ហាញទម្រង់លេងយ៉ាងល្អ។ ដោយសូម្បីតែលោក Jose ក៏បានសរសើរដល់កីឡាករអង់គ្លេសវ័យក្មេងម្នាក់នេះដែរ ព្រោះរូបគេបានជួយកាត់បាល់ប្រយុទ្ធរបស់ក្រុម Spurs និងចែកបាល់ឱ្យក្រុម Man Utd លេងបានយ៉ាងល្អ។
លោក Ole និយាយដូច្នេះថា៖ “អ្នកអាចនិយាយបាននៅពេលនេះ Scott McTominay មិនអាចដកចេញពីជម្រើស១១នាក់ដំបូងបានទេ។ កម្លាំង និងកាយសម្បទារបស់ខ្សែបម្រើរូបនេះ បានជួយដល់យើងច្រើន។ មានគាត់ និង Fred ក្រុមរបស់យើងលេងបានល្អនៅតំបន់កណ្ដាល។ ពួកគេបានកាត់ក្ដីចង្វាក់លេងរបស់ក្រុម Spurs និងផ្ដល់ល្បឿនប្រយុទ្ធដល់តំបន់ខាងលើរបស់យើងយ៉ាងល្អ”៕ប្រភព៖ Dailymail