លោក Nishino គ្រូបង្វឹកក្រុម U22 ថៃ ថាត្រូវតែឈ្នះក្រុមវៀតណាមដាច់ខាតក្នុងការប្រកួតនៅរសៀលម៉ោង៣នេះ ដើម្បីបានឱកាសឡើងទៅវគ្គបន្ដ។
ក្រុមថៃ វៀតណាម និងឥណ្ឌូណេស៊ី មិនទាន់ប្រាកដថាមួយណាត្រូវធ្លាក់ចេញនោះទេ ដោយត្រូវរង់ចាំមើលប្រកួតរសៀលនេះសិន។ ការប្រកួតនេះ គឺក្រុមថៃ ប៉ះវៀតណាម និងឥណ្ឌូណេស៊ី ប៉ះក្រុមឡាវ។ វាជាការប្រកួតដែលស្វិតស្វាញសម្រាប់ក្រុមថៃ និងវៀតណាម ដោយឡែកក្រុមឥណ្ឌូណេស៊ី ដូចជាមិនពិបាកពេកនោះទេ ព្រោះប៉ះក្រុមឡាវ។
គិតត្រឹមមុនប្រកួត ក្រុមវៀតណាមនៅលេខ១ មាន១២ពិន្ទុ គ្រាប់ចំណេញ១៣គ្រាប់ ឥណ្ឌូណេស៊ី មាន៩ពិន្ទុគ្រាប់ចំណេញ១១គ្រាប់ និងថៃមាន៩ពិន្ទុ គ្រាប់ចំណេញ១៩គ្រាប់។ ថៃ មានឱកាសបានឡើងវគ្គបន្ដ លុះត្រាយកឈ្នះក្រុមវៀតណាមចាប់ពី២គ្រាប់ឡើងទៅ។
មុនការប្រកួតនេះ ចាប់ផ្ដើម លោក Nishino គ្រូបង្វឹកក្រុមថៃ បាននិយាយថា៖ “ខ្ញុំមិនធានាថាយើងរកបាន២គ្រាប់ឡើងទៅទេ ប៉ុន្តែខ្ញុំប្រាប់កីឡាករទាំងអស់ថាត្រូវរកគ្រាប់បាល់ទី១ឱ្យបានលឿនបំផុត មុនគិតគ្រាប់បាល់ទី២។ យើងនឹងមានសម្ពាធខ្លាំង បើមិនអាចរក១គ្រាប់លឿនទេនោះ។ វាជាការប្រកួតដ៏ពិបាកសម្រាប់ក្រុមយើង ប៉ុន្តែយើងត្រូវតែឡើងវគ្គបន្ទាប់ឱ្យបាន”៕ប្រភព៖ Bangkokpost
