ប្រធាន Juventus ​៖ Ronaldo ​នឹង​នៅ​ជាមួយ​យើង ​ដើម្បី​ឈ្នះ Ballon d’Or ​

លោក ​Fabio Paratici ​ប្រធាន​ផ្នែក​កីឡា​នៅ Juventus ​បាន​បញ្ជាក់​ថា Cristiano Ronaldo ​នឹង​នៅ​ជាមួយ​ក្រុម​បន្ដ​ទៀត​នា​រដូវ​កាល​ក្រោយ ​រហូត​ដល់​រូបគេ​បាន​ឈ្នះ​ពាន Ballon d’Or ។

Ronaldo ​និង​អ្នក​ចាត់ការ Sarri ​ហាក់​ដូចជា​មាន​រឿង​មិន​ពេញ​ចិត្ត​គ្នា​ច្រើន​មួយ​រយៈ​ចុង​ក្រោយ​នេះ រហូត​ធ្វើ​ឱ្យ​អ្នក​គាំទ្រ​នៅ​អ៊ីតាលី​គិត​ថា​អនាគត​របស់​អតីត​កីឡាករ Real Madrid ​រូប​នេះ ​អាច​នៅ​មិន​យូរ​ជាមួយ​ក្រុម​ឡើយ។ ​យ៉ាងណាមិញ ​បើ​តាម​ការ​បញ្ជាក់​របស់​លោក Fabio ​ប្រធាន​ផ្នែក​កីឡា​នៅ​ក្លឹប Juventus គឺ​រឿង​ទាំង​អស់​នេះ​មិន​ពិត​ឡើយ Ronaldo ​នឹង​បន្ដ​លេង​ឱ្យ​ក្រុម​ទៀត​នា​រដូវ​កាល​ក្រោយ។

ខ្សែ​ប្រយុទ្ធ​ព័រទុយហ្គាល់ ​មាន​មហិច្ឆតា​ធំ​ជាមួយ​ក្រុម ​ដោយ​ចង់​ឈ្នះ UEFA Champions League ​និង​ពាន​រង្វាន់ Ballon d’or ​មួយ​ទៀត​ផង​ដែរ។ លោក Fabio ​បាន​បន្ដ​ទៀត​ថា​សមត្ថភាព​របស់ Ronaldo ​សក្ដិសម​សម្រាប់​ពាន​រង្វាន់​កិត្តិយស​ឆ្នាំ​នេះ​ណាស់ ប៉ុន្តែ​លទ្ធផល​បែរ​ជា​គេ​បោះ​ឱ្យ Messi ​ទៅ​វិញ៕ប្រភព៖ Dailymail


ភ្ជាប់ទំនាក់ទំនងជាមួយ CTS SPORT