លោក Jose Mourinho ថាខ្សែបម្រើប្រយុទ្ធ Bruno Fernandes មានកម្រិតលេងល្អណាស់ ហើយតម្លៃខ្លួនរបស់គេវិញក៏នឹងឡើងខ្ពស់រហូតផុតសមត្ថភាពរបស់ក្រុម Spurs អាចទិញយកបានដែរ។
Bruno Fernandes កំពុងត្រូវបានក្លឹបធំៗជាច្រើនប្រជែងគ្នាដណ្ដើមយក។ ក្នុងនោះក៏មាន Spurs មួយដែរ កាលលោក Pochettino នៅដឹកនាំក្រុម។ តែមកដល់សម័យ Jose ចូលកាន់តំណែងវិញ លោកបានបញ្ជាក់ថាក្រុម Spurs មិនមានសមត្ថភាពអាចនាំយកកីឡាករសញ្ជាតិព័រទុយហ្គាល់ម្នាក់នេះមករួមក្រុមបានឡើយ ព្រោះតម្លៃខ្លួនរបស់គេដែលទើបបន្ដកុងត្រានោះ នឹងឡើងខ្ពស់មិនខាន។
លោក Jose បានបន្ថែមដូច្នេះទៀតថា៖ “យើងមិនមែនជាក្លឹបដែលចំណាយច្រើនក្នុងការទិញដូរកីឡាករនោះទេ។ ខ្ញុំអាចនិយាយថាមិនអាចឡើយសម្រាប់ Bruno ព្រោះរូបគេស្ថិតក្នុងកម្រិតកីឡាករដែលមានតម្លៃខ្លួនខ្ពស់។ តម្លៃខ្លួនបច្ចុប្បន្នគឺរហូតដល់៨៥លានផោនទៅហើយ”៕ប្រភព៖ Dailymail
