Modric ​និយាយ​យ៉ាងណា ពេល​ប្រគល់​ពាន​ឱ្យ Messi ​

Modric ​ម្ចាស់​ពាន Ballon d’Or ​ឆ្នាំ​ចាស់ ​បាន​ឡើង​ប្រគល់​ពាន​ទៅ​ឱ្យ Lionel Messi ​ដែល​ជា​ម្ចាស់​ពាន​រង្វាន់​ឆ្នាំ​ថ្មី ​ដោយ​អម​ជាមួយ​ពាក្យ​សម្ដី​យ៉ាង​គួរ​សម​ថែម​ទៀត​ផង។

ខ្សែ​បម្រើ​របស់​ក្រុម Real Madrid ​រូប​នេះ​បាន​បញ្ជាក់​ថា​៖ “អបអរ​សាទរ អ្នក​សម​នឹង​ទទួល​បាន​វា។ Messi ​ពិត​ជា​ល្អ ​គាត់​ជា​កីឡាករ​ល្អ​ម្នាក់​ក្នុង​ប្រវត្តិសាស្ត្រ​បាល់ទាត់ ​ហើយ​ខ្ញុំ​អបអរ​គាត់​ចំពោះ​អ្វី​ដែល​គាត់​បាន​ធ្វើ​។ វា​គួរ​តែ​ទំនៀមទម្លាប់​ល្អ​មួយ​ ដែល​អ្នក​ឈ្នះ​ឆ្នាំ​ចាស់ ​មក​ប្រគល់​ពាន​ឱ្យ​អ្នក​ឈ្នះ​ឆ្នាំ​ថ្មី។ ​ខ្ញុំ​មក​ទី​នេះ ​ព្រោះ​បាល់ទាត់​ជា​ការ​ផ្ដល់​តម្លៃ​ឱ្យ​គ្នា ​ហេតុផល​ខ្ញុំ​មក​គឺ​ដើម្បី​ផ្ដល់​ពាន​រង្វាន់​នេះ​ឱ្យ​គាត់”។

Messi ​ឈ្នះ​ពាន Ballon d’Or ​នេះ​ជា​លើក​ទី​៦​ហើយ​ក្នុង​អាជីព​បាល់ទាត់​របស់​ខ្លួន ហើយ​វា​ក៏​ជា​ការ​ឈ្នះ​ច្រើន​ជាង​កីឡាករ​ណា​ៗ​ទាំង​អស់​ផង​ដែរ។ ​Ronaldo ​ដែល​ជា​គូ​ប្រជែង​ខ្លាំង​របស់​គេ​នោះ ឈ្នះ​ពាន​រង្វាន់​នេះ ​បាន​ត្រឹម​៥​ដង​ប៉ុណ្ណោះ៕ប្រភព៖ Marca


ភ្ជាប់ទំនាក់ទំនងជាមួយ CTS SPORT