នៅប៉ុន្មានប្រកួតចុងក្រោយរបស់កាំភ្លើងធំ Arsenal និងបិសាចក្រហម Man Utd ហាក់ជួបរឿងប្រេះឆាឈឺចាប់ផ្ទួនៗដូចគ្នា ពោលគឺបរាជ័យនិងស្មើកើតឡើងក្នុងពេលតែមួយ។
រាប់តាំងពីអំឡុងថ្ងៃទី ២៤ វិច្ឆិកាដែល United ស្មើ Sheffield ៣-៣ ពេលនោះក៏ Ars ស្មើ Southampton ក្នុងសប្តាហ៍តែមួយ។ លុះមកតតាំងនៅ UEL ជុំទី ៥ កាំភ្លើងធំចាញ់ Frankfurt ១-២ (ប្រកួតចុងក្រោយរបស់ Emery) ក៏បិសាចក្រហមឯណេះទៅភ្លាត់ចាញ់ Astana ១-២ ដែរ។ អ្វីដែលអស្ចារ្យដូចណាត់គ្នានោះ ប្រកួតកាលពីយប់មិញក្រុមចាប Norwich City យក ២-២ ទល់ក្រុមភ្ញៀវ Arsenal ហើយទៅមើល United លេងស្មើ Aston ២-២ ដែរ។
ទៅមើលចំណាត់ថ្នាក់ក៏ដុនដាបប្រហែលគ្នានៅ Premier League បច្ចុប្បន្ន Arsenal មាន ១៩ ពិន្ទុឈរលេខ ៨ ជួនពេលដែល United តាមពីក្រោយចាញ់មួយពិន្ទុឈរលេខ ៩។ ១៤ ប្រកួតក្រុមទាំងពីរយកឈ្នះត្រឹម ៤ លើកស្មើគ្នាទៀត៕
