ក្រុមបិសាចក្រហម Manchester United លេងបានត្រឹមស្មើក្នុងដីខ្លួនឯង ២-២ ជាមួយក្រុម Aston Villa ប៉ុណ្ណោះក្នុងការប្រកួតពានរង្វាន់លីគកំពូលអង់គ្លេសកាលពីយប់មិញ។
លទ្ធផលនេះដែរ ធ្វើឱ្យក្រុមបិសាចក្រហមស្ថិតនៅលេខ៩ក្នុងតារាងដោយឆ្លងកាត់១៤ប្រកួត មាន១៨ពិន្ទុប៉ុណ្ណោះ។ វាជាកំណត់ត្រាលេងអន់បំផុតមួយសម្រាប់ក្រុម Man Utd ចាប់តាំងពីឆ្នាំ១៩៩៨មក។ ត្បិតតែយ៉ាងនេះក្ដី សម្រាប់លោក Ole វិញ ហាក់មិនបាម្ភចំពោះអ្វីដែលបានកើតឡើងឡើយ លោកបន្ដថាពិន្ទុក្នុងតារាង មិនមែនជាអ្វីដែលក្រុមត្រូវខ្វាយខ្វល់ឡើយ។
លោក Ole បាននិយាយដូច្នេះថា៖ “ខ្ញុំមិនមកនិយាយពីចំណាត់ថ្នាក់ក្នុងតារាងឡើយ ព្រោះវាមិនមែនជាអ្វីដែលខ្ញុំត្រូវខ្វាយខ្វល់។ អ្វីដែលខ្ញុំត្រូវគិត គឺការនាំមុខគូប្រកួតរហូត ប៉ុន្តែបែរជានៅតែរបូតគ្រាប់បាល់ទៅវិញ។ យើងត្រូវរកដំណោះស្រាយចំពោះរឿងនេះ ដើម្បីស្វែងរកលទ្ធផលឈ្នះឡើងវិញ”៕ប្រភព៖ Dailymail
