ក្រុម Atletico Madrid នឹងត្រូវបើកកីឡដ្ឋានរបស់ខ្លួនស្វាគមន៍ក្រុមភ្ញៀវ Barcelona នៅម៉ោង៣ទាបភ្លឺយប់នេះ ក្នុងការប្រកួតពានរង្វាន់ La Liga ។មុនការប្រកួតនេះចាប់ផ្ដើម មានមតិជាច្រើននិយាយពីការត្រលប់មកវិញរបស់ខ្សែប្រយុទ្ធ Griezmann ក្នុងនាមជាដៃគូប្រកួតរបស់ក្រុម AT Madrid ។ កីឡាករបារាំងនេះ ព្យាយាមខ្លាំងណាស់ ទម្រាំបានចាកចេញពីក្រុមរបស់លោក Simeone បាន ទៅលេងឱ្យក្រុម FC Barcelona កាលពីរដូវកាលដោះដូរកីឡាករកន្លងទៅ។
ចំពោះរឿងនេះដែរ លោក Simeone អ្នកចាត់ការក្រុម AT Madrid បាននិយាយដូច្នេះថា៖ “Griezmann មានប្រវត្តិល្អនៅក្លឹបយើង ខ្ញុំមិនចង់និយាយអ្វីច្រើនឡើយ។ ខ្ញុំមិនចង់និយាយពីគាត់ ព្រោះគាត់លេងឱ្យក្រុមដទៃ។ អ្វីដែលអ្នកគ្រប់គ្នានិយាយគឺជាការសម្រេចចិត្តរបស់គេ ខ្ញុំតែងតែច្បាស់លាស់ជាមួយគាត់ នៅពេលយើងធ្វើការជាមួយគ្នា”៕