យោងតាមរបាយការណ៍ពី Don Balon បានចុះផ្សាយថាអ្នកចាត់ការក្លឹប Real Madrid បាននឹងកំពុងចុចគោលដៅជុំវិញការចង់បានខ្សែបម្រើក្លឹប Chelsea គឺ N’Golo Kante នាឆ្នាំក្រោយ ២០២០ នេះ។
Zidane ហាក់ពេញចិត្តនិងឲ្យតម្លៃទៅលើកីឡាកររួមសញ្ជាតិបារាំងរូបនេះជាខ្លាំង ហើយថែមទាំងស្នើក្លឹបអធិរាជស Madrid រៀបចំកញ្ចប់ថវិកាប្រមាណ ១០០ លានអឺរ៉ូឬជាង ៨៥ លានផោនក្នុងការចរចាយក Kante មក Bernabeu នាទីផ្សារដោះដូររដូវក្តៅ។
រំឭកថានារដូវកាល ២០១៩/២០ កីឡាករសម្បុរខ្មៅមុខមិនចេះរីងស្ងួត រកបាន ៣ គ្រាប់ហើយនៅក្របខ័ណ្ឌ Premier League។ កាលពីអតីតកាលក៏ធ្លាប់ជោគជ័យនៅ Leicester ជួយឲ្យក្រុមកញ្រ្ជោងលើកពាន PL មុនផ្លាស់មក Chelsea ផងដែរ៕ ប្រភព៖ Goal