ខ្សែប្រយុទ្ធ Dembele បានរងរបួសអំឡុងពេលលេងទល់ក្រុម Dortmund កាលពីយប់ម្សិលមិញនេះ ក្នុងការប្រកួតពានរង្វាន់ UEFA Champions League ។
របួសនេះដែរ នឹងធ្វើឱ្យខ្សែប្រយុទ្ធបារាំងនេះ អវត្តមានពេញ១ខែតែម្ដងឱ្យក្រុម Barcelona ហើយរំពឹងថានឹងអាចចូលលេងបានវិញនៅដើមឆ្នាំ២០២០ខាងមុខ។ Dembele បានញាំញីដោយរបួសខ្លាំងមែនទែនមួយរយៈចុងក្រោយនេះ ដោយគិតត្រឹមឆ្នាំនេះ រូបគេរងរបួស៦ដងមកហើយ។ និងសរុប៩ដង គិតចាប់តាំងពីផ្លាស់មកលេងនៅ Barcelona នេះ។
មិនត្រឹមតែរបួសច្រើននេះទេ Dembele ក៏ធ្លាប់មានបញ្ហាមកហាត់យឺត និងមិនប្រឹងប្រែងព្យាបាលរបួសខ្លួនឯងថែមទៀត។ រូបគេធ្លាប់ត្រូវក្លឹបពិន័យ ចំពោះរឿងខាងលើ ហើយលោក Valverde អ្នកចាត់ការក្រុមអ្នកមានបុណ្យក៏ធ្លាប់ព្រមានដល់កីឡាករវ័យ២២ឆ្នាំនេះពីអនាគតរបស់ខ្លួនទៀត៕ប្រភព៖ Marca