ក្រុម Real Madrid បានបន្ដកុងត្រាឱ្យយុវជនឆ្នើមរបស់ខ្លួន Fede Valverde រហូតដល់ឆ្នាំ២០២៥ ជាមួយតម្លៃផ្ដាច់កុងត្រារហូតដល់៧៥០លានអឺរ៉ូឯណោះ។
ខ្សែបម្រើវ័យ២១ឆ្នាំ នេះ បានបំពេញតួនាទីល្អមែនទែនឱ្យក្រុម Real Madrid ដែលធ្វើឱ្យលោក Zidane ទុកចិត្ត ដាក់ឱ្យលេងទាំងប្រកួតតួចនិងប្រកួតធំ។ ទម្រង់ដែលល្អឥតខ្ចោះនេះហើយ ទើបក្រុម Real Madrid បានបន្ដកុងត្រាឱ្យរូបគេ និងដាក់តម្លៃខ្លួនទិញផ្ដាច់កុងត្រាដល់៧៥០លានអឺរ៉ូ ដែលជាតម្លៃគ្មានក្រុមណាហានយកឡើយ។
រយៈពេលកុងត្រាដល់ឆ្នាំ២០២៥នេះ គឺបានធ្វើឱ្យកីឡាករអ៊ុយរុយហ្គាយខាងលើក្លាយជាកីឡាករមានកុងត្រាវែងជាងគេក្នុងក្រុម Real Madrid ដូច Rodrygo ដែរ៕ប្រភព៖ Marca