កីឡាករ Lorenzo Pellegrini របស់ក្រុម Roma បែកក្បាល ក្រោយពីត្រូវអ្នកគាំទ្រក្រុម Istanbul Basaksehir គប់កាកមកលើរូបគេ អំឡុងពេលឈរត្រៀមលើកបាល់ជ្រុងកាលពីយប់មិញ។
ក្រុម Roma បានយកឈ្នះលើក្រុមម្ចាស់ផ្ទះ Istanbul Basaksehir ក្នុងលទ្ធផល ៣-០ ឯណោះក្នុងការប្រកួតពានរង្វាន់ Europa League ។ ក្នុងការប្រកួតនោះដែរ មានបញ្ហាមួយបានកើតឡើង ដោយកីឡាករ Lorenzo រងរបួសបែកក្បាលចេញឈាម ក្រោយពីរូបគេឈរត្រៀមលើកបាល់ជ្រុង។ របួសនេះ កើតចេញពីអ្នកគាំទ្ររបស់ក្រុមម្ចាស់ផ្ទះខឹងខ្លាំង រហូតគប់កាកនិងរបស់រឹងជាច្រើនមកលើកីឡាករក្រុម Roma ម្នាក់នេះ។
ដោយសារតែរបួសឈាមហូរច្រើន តម្រូវឱ្យអាជ្ញាកណ្ដាលហៅគ្រូពេទ្យមកពិនិត្យ និងក្រុមសន្ដិសុខ ចូលមកជួយអន្តរាគមអ្នកគាំទ្រផងដែរ។ រំលឹកថាបាល់ទាត់នៅទួរគី មានការរើសអើងច្រើន ជាពិសេសបញ្ហាអ្នកគាំទ្រដ៏ងប់ងុលរបស់ពួកគេតែម្ដង ដោយតែងតែបង្កជាបញ្ហាជានិច្ច៕ប្រភព៖ Dailymail
