ក្រុមអ្នកគាំទ្រ Arsenal មិនចូលរួមទស្សនាការប្រកួតកាលពីយប់មិញឡើយ ដែលនេះបានបង្ហាញថាពួកគេចាប់ផ្ដើមលែងទុកចិត្តលើក្រុមរបស់លោក Emery ទៀតហើយ។
ក្រុម Arsenal លេងមិនល្អឡើយនៅប៉ុន្មានប្រកួតចុងក្រោយនេះ ទាំងក្នុងលីគនិងពានរង្វាន់អន្តរជាតិ។ ជាក់ស្ដែងនៅយប់មិញលេងក្នុងដីខ្លួនឯង ពួកគេចាញ់ក្រុម Eintracht Frankfurt ក្នុងលទ្ធផល ២-១ ដែលកាន់តែធ្វើឱ្យអ្នកគាំទ្រមិនសប្បាយចិត្តថែមទៀត។ ក្នុងការប្រកួតនេះដែរ មានកៅអីទំនេរជាច្រើន ដោយអ្នកគាំទ្រមិនបានមកចូលរួមជាមួយផ្ដល់ជាកម្លាំងចិត្តដល់កីឡាករឡើយ។
រំលឹកថាតំណែងរបស់លោក Emery កាន់តែក្ដៅឡើងពីមួយប្រកួតទៅមួយប្រកួត ក្រោយពីក្រុមធ្វើមិនបានល្អ។ មានដំណឹងជាច្រើនថា ក្លឹបកាំភ្លើងកំពុងស្វែងរកអ្នកជំនួយហើយ ដើម្បីស្រោចស្រង់ក្រុមឡើងវិញ៕ប្រភព៖ Dailymail