ក្រុមជម្រើសជាតិនារីកម្ពុជា បានបង្កើតកំណត់ត្រាឈ្នះដ៏លើសលប់ក្នុងការបង្ហាញខ្លួនលើកដំបូង ក្នុងពាន AFF Women’s Championship។ ជំនួបបើកឆាកយប់មិញ ក្រុមគោព្រៃបានឈ្នះទីម័រ ១២ទល់និង០។
ក្រោយការប្រកួតលោក មាស សំអឿន ដែលជាគ្រូបង្វឹកបាននិយាយយ៉ាងខ្លីថា « វាជាការចាប់ផ្តើមដ៏ល្អ, កីឡាការិនីស៊ុតបញ្ចូលទីច្រើន, ខ្ញុំគ្មានអ្វីមិនពេញចិត្តឡើយ។»
ចំពោះ១២គ្រាប់របស់កម្ពុជារកបានដោយ ហួត គឹមហុង ៦គ្រាប់, បាន ជាវៃ ៣ គ្រាប់ និង ចាយ ស្រីលាប, ពឿន គន្ធា, នន មិនា ម្នាក់មួយគ្រាប់។
ប្រកួតបន្ទាប់ កម្ពុជា នឹងប៉ះ ម៉ាឡេស៊ី នាថ្ងៃទី០២ ខែកក្កដា វេលាម៉ោង៧:០០យប់។
