អ្នកគាំទ្រក្លឹប Malmo របស់ប្រទេសស៊ុយអែតបានបង្ហាញភាពខឹងសម្បាជាខ្លាំងទៅលើ Zlatan Ibrahimovic ដែលបានធ្វើឲ្យពួកគេខកចិត្ត ក្រោយចេញដំណឹងផ្លូវការថាអតីតវីរបុរសរូបនេះបានវិនិយោគលុយធំទិញភាគហ៊ុន ៥០ ភាគរយនៃក្លឹប Hammarby។
Hammarby ក៏ជាក្លឹបគូប្រជែងរបស់ Malmo នៅលីគកំពូលស៊ុយអែត ខណៈ Malmo នេះសោតជាទ្រនំដំបូងដែលផ្តួចផ្តើមហ្វឹកហាត់ Zlatan គ្រានៅវ័យជំទង់ ប៉ុន្តែក្រោយប្រកាសចេញពី LA Galaxy កីឡាករវ័យ ៣៨ ឆ្នាំបែរជាមិនយកទុនទៅវិនិយោគជាមួយក្លឹបចាស់ ហើយមកកាន់កាប់ក្លឹបថ្មីឯណេះទៅវិញ។
នៅខែតុលា ឆ្នាំ ២០១៩ ក្លឹប Malmo បានកសាងរូបសំណាករបស់ Zlatan Ibrahimovic ប៉ុន្តែលុះឆ្លងកាត់មួយខែកើតរឿងចាក់ស្រេះបែបនេះ អ្នកគាំទ្រក៏ប្រមូលគ្នាមកដុតកម្ទេចរូបសំណាក Zlatan ចោលវិញ៕
ទស្សនាវីដេអូខាងក្រោម៖
@ZStaty Varmt? pic.twitter.com/hzJ332C8RZ
— Max (@AkerbergMax) November 27, 2019
