៨ ក្រុម​កក់​កៅអី​ហើយ​ស្រេច ខណៈ​ពូល E&H នៅ​តតាំង​គ្នា​យ៉ាង​ក្តៅ​គគុក

គិត​មក​ត្រឹម​ជុំ​ទី ៥ នៃ​វគ្គ​ចែក​ពូល​ UEFA Champions League ដែល​មាន​ក្រុម​ទាំង ៣២ ចូលរួម គឺ​យើង​សម្រេច​បាន ៨ ក្រុម​ហើយ​ដែល​មាន​កៅអី​ឆ្ពោះ​ទៅ​កាន់​វគ្គ ១៦ ក្រុម​ចុង​ក្រោយ។ ក្នុង​នោះ​សឹង​គ្រប់​ពូល​ទាំង​អស់ បាន​រក​ឃើញ​ឈ្មោះ​ក្រុម​លេខ ១&២ ឡើង​ជា​បណ្តើរៗ ចម្លែក​អ្វី​តែ​ពូល E&H ត្រូវ​តតាំង​គ្នា​ដល់​ប្រកួត​បញ្ចប់​នៃ​ជុំ​ទី ៦។

៨ ក្រុម​ដែល​ឡើង​ទៅ​កាន់​វគ្គ​បន្ទាប់​មាន​ដូច​ជា​ Paris Saint-Germain, Real Madrid, Bayern Munich, Tottenham Hotspur, Manchester City, Juventus, Barcelona, RB Leipzig។

បង្វែរ​ទៅ​មើល​ពូល E ៣ ក្រុម​កំពុង​តតាំង​គ្នា​រួម​មាន Liverpool (១០ ពិន្ទុ), Napoli (៩ ពិន្ទុ) និង Red Bull (៧ ពិន្ទុ) ដែល​នៅ​ជុំ​ទី ៦ នឹង​មាន​ក្រុម​ពីរ​សម្រេច​យក​កៅអី​វគ្គ​បន្ទាប់​ក្នុង​ចំណោម ៣ ​ក្រុម​នេះ ខណៈ​នៅ​ពូល H មាន Ajax (១០ ពិន្ទុ) និង Valencia/Chelsea ស្មើ​គ្នា ៨ ពិន្ទុ៕

ភ្ជាប់ទំនាក់ទំនងជាមួយ CTS SPORT