ត្បិតការប្រកួតរវាងក្លឹបយក្សពីរ Real Marid-Paris Saint-Germain បានបញ្ចប់ទៅកាលពីយប់មិញហើយក្តី ប៉ុន្តែឈុតក្រៅឆាកនៃការជួបសន្ទនារវាងខ្សែការពារស្តេចស Marcelo និងខ្សែប្រយុទ្ធ Neymar បានកំពុងទទួលការចាប់អារម្មណ៍ខ្លាំង។
រូបភាពដែលប្រមាញ់បានដោយកាមេរ៉ារបស់ Movistar បានឲ្យដឹងថាពេលមួយនោះ Marcelo បាននិយាយទៅកាន់ Neymar ថា៖ “ឯងលេងបានល្អជាង Kylian Mbappe”។
យ៉ាងណាមិញសារនេះហាក់ពុំសមស្របទៅតាមអ្វីដែលលោក Thomas Tuchel យល់ឃើញនោះទេ ដោយកាលពីយប់មិញ Neymar បានត្រឹមជាប់ឈ្មោះជាកីឡាករបម្រុង ខណៈ Angel di Maria, Mauro Icardi និង Kylian Mbappe សុទ្ធសឹងជាប់ជម្រើស ១១ រូបដំបូង ហើយលទ្ធផល ២-២ ក៏រាប់ថាជាការលេងដ៏ល្អមួយផងដែរ៕ ប្រភព៖ Marca
