Lionel Messi បានប្រាប់ទៅ Neymar ថារូបគេនឹងចាកចេញពីក្រុមអ្នកមានបុណ្យនៅ២ឆ្នាំទៀត ដូច្នេះប្រសិនបើកីឡាករប្រេស៊ីលនេះមក នឹងមានឱកាសឈ្នះពាន Champions League ជាមួយគ្នា។
Messi នៅតែមានចិត្តចង់បាន Neymar មកលេងជាមួយក្រុមដដែល បើទោះជាការចរចាជាច្រើនលើកបរាជ័យយ៉ាងណាក៏ដោយ។ ការចង់បានខ្សែប្រយុទ្ធកំពុងលេងនៅ PSG នេះមករួមក្រុម គឺដោយសារតែប្រធានក្រុម Messi មើលឃើញថាអនាគត Neymar នឹងល្អ ហើយអាចជំនួសតំណែងរបស់ខ្លួនបានថែមទៀត។
កីឡាករអាហ្សង់ទីន បាននិយាយប្រាប់ទៅ Neymar ដូច្នេះថា៖ “យើងអាចឈ្នះពាន Champions League ជាមួយគ្នាទៀត ប្រសិនបើមក Barcelona ។ ក្នុងពេល២ឆ្នាំទៀត ខ្ញុំនឹងចាកចេញពីក្លឹបនេះ ហើយអ្នកនឹងយកតួនាទីរបស់ខ្ញុំ”៕ប្រភព៖ Marca